影片
更多
2023-09-19
590 浏览
本身谂住叫个外卖俾个小朋友食，已经特登早啲落单，去到收银个到，又话我张单已经攞咗，又话无，叫我自己去check。我话张单系我落，外卖自取唔系攞住张单先有得攞架咩？！然后，个前台就系咁话唔知，叫我揾经理，跟住揾九世都未揾到个经理，原来个经理就系个前台隔离拾紧啲外卖，系咁敷衍我话攞咗就无架啦！我$就俾咗，野就攞唔到，仲要无人解答到我个问题 : “唔系有张单先可以攞到野食既咩？”咁我话 : 算！我依家只系要个解决方案，总之我依家就攞唔到野食，咁一系你哋整过俾我，一系就帮我取消咗张单，退返$俾我。佢哋就𠲖𠲖哦哦咁话整过俾我，咁我都讲清楚我既情况 : “其实我就赶时间，我已经专登早啲叫，依家搞咗半个钟，咁你哋要整几耐先俾到我？”佢哋既回覆系 “等一阵啦！”我话 “你都俾个时间我，5分钟？10分钟？”“都话一阵就有啰！”突然之间，个前台话外卖平台取消咗张单，跟住佢同我讲，张单取消咗，所以乜都无得攞…..“吓？！点解张单会取消咗？！”“我唔知！你问返外卖平台”“咁不如你照入返单，我系到俾$算，我只系想小朋友有野食”“取消咗就无架啦！”唉！我都费事再讲，转身，走！全程职员态度极为恶劣，不断推卸责任，亦
我话张单系我落，外卖自取唔系攞住张单先有得攞架咩？！
然后，个前台就系咁话唔知，叫我揾经理，跟住揾九世都未揾到个经理，原来个经理就系个前台隔离拾紧啲外卖，系咁敷衍我话攞咗就无架啦！
我$就俾咗，野就攞唔到，仲要无人解答到我个问题 : “唔系有张单先可以攞到野食既咩？”
咁我话 : 算！我依家只系要个解决方案，总之我依家就攞唔到野食，咁一系你哋整过俾我，一系就帮我取消咗张单，退返$俾我。
佢哋就𠲖𠲖哦哦咁话整过俾我，
咁我都讲清楚我既情况 :
“其实我就赶时间，我已经专登早啲叫，依家搞咗半个钟，咁你哋要整几耐先俾到我？”
佢哋既回覆系 “等一阵啦！”
我话 “你都俾个时间我，5分钟？10分钟？”
“都话一阵就有啰！”
突然之间，个前台话外卖平台取消咗张单，跟住佢同我讲，张单取消咗，所以乜都无得攞…..
“吓？！点解张单会取消咗？！”
“我唔知！你问返外卖平台”
“咁不如你照入返单，我系到俾$算，
我只系想小朋友有野食”
“取消咗就无架啦！”
唉！我都费事再讲，转身，走！
全程职员态度极为恶劣，不断推卸责任，
亦由始至终都无谂过、提出过解决方法。
食过佢哋既堂食，又唔系真心特别出色。
外个卖自取都可以有咁既待遇，
堂食？！不了！
张贴