潮叔 (駱駝漆大廈第三座) (已結業)

主食有几款牛/猪俾大家拣，例如：肥牛、吊龙、三花趾、猪板筋，仲可以加$5-20升级试吓其他款式。今次先试下吊龙，牛味浓，有嚼劲，食落无渣，配搭沙爹汤底，简直绝配。菜蓝有6款蔬菜🥬（蕃茄，粟米，莲藕，莴笋，娃娃菜，唐生菜），够晒丰富。面底拣咗蟹黄面，外面比较少有，爽口的面条，比公仔面再幼身啲。我最钟意嘅，就系个五宝盒。牛丸、鱼丸、猪肉丸，大大粒，很弹牙。我见涷柜有售卖不少丸类产品，试岩咗，就可以大量入货。鱼皮饺，厚身爽滑。今日鱼皮无货，转咗一口肠，甜甜哋，一口一条肠，肉汁鲜美。+5 仲有饮品。埋单$100都唔使就可以打边炉，咁平、食物质素又高，下次会带多啲朋友嚟试多啲唔同嘅款式。