川居雲南風味米線專門店 (已結業)

农历新年就到，所以前日就约左妈咪去旺角行花墟加年宵，因为肚饿嘅关系所以就决定食左野先去行，我地选择去好耐冇食过嘅川居食米线入到去得番一张二人卡位，好好彩！睇一睇餐牌，可以选择自选𩠌配汤底或者拣佢提供嘅配搭，我地两个都拣自选，之前食果阵都系叫开酸辣汤底，今次见有新汤底就黎试下啦，最后叫左猪软骨木耳米线配四川麻辣汤底同鸡扒秀珍菇米线配五味麻辣汤底，另外叫左两件蜜川鸡等左阵就上菜喇，前者嘅猪软骨都算淋身嘅，木耳都好爽口，而汤底虽然有辣味但我认为颇淡，后者嘅猪扒几够味但份量少左啲，好似得三块…而汤底都唔太讨好，只有胡椒味仲有汤底唔够热…唔热自然唔好食…反而蜜川鸡都keep到以前嘅味道，不过唔抵食要十蚊一只！总结：如果下次再有机会黎食，一定会叫番酸辣汤底！