曲奇四重奏 (已搬遷) 新店位置

4﹣2﹣2011(Fri)大年初二去外婆家拜年，舅母照例畀返一盒礼我o地拎返屋企，我见外型咁grand，应该系贵o野。搭车时睇睇，应该系谢宁o系九龙城开o个间饼店o既出品，返到屋企反转个盒至睇到中文，真系呢间出o既蝴蝶酥。到（5﹣2﹣2011Sat)大年初三朝早，同男友出发去佢屋企前食少少o野，原本想煎萝卜糕，但男友话唔喇，唔想洗o野。咁....咁试呢个蝴蝶酥啦。打开后，嗅到好香，忍唔住食喇，佢好松脆，唔似平时食o个啲咁硬，而味道系甜甜地，有蜜糖甜味，的确几好食，我同男友一连食四件至停手，如果唔自控，真系分分钟一次可以食晒，所以千祈唔好将佢独留畀小朋友。唔知几钱，但肯定好贵。