BEP Vietnamese Kitchen 越灶 (已結業)

去k11唔想四围去，求其上网揾呢间，见有人排队，应该有心信嘅。 香煎墨鱼饼，够弹牙，唔算油，推荐食嘅。。沙津个几只虾都几够大只，柚子大大粒，新鲜，唔会hea，加埋腰果同食，爽脆甜，呢个直头必食。咖哩杂菜比想像大碟，本来叫左蒜蓉包送，个咖哩好杰身，但太饱，斋食菜啦唯有。呢个猪扒捞蒙真系不错，猪扒松化唔油，个酱唔太酸唔太辣，仲要猪扒份量十分足，食极仲有咁。芒果沙冰唔知朋友饮，不过望就觉得好smooth，足料。支装柠汁好饮，同出面一般餐厅差不多，初时念系呢个场会唔会连支饮品都贵少少，又无㖞。菜无乜好讲，但以尖沙咀大场，份量足。3人食，系食唔晒，有打包，尤其蒜蓉包，唔算好脆，又唔太够蒜味，不过如𩠌咖哩应该啱啱好，斋食就可以多少少蒜味嘅。整体算值，因为好食，唔会话无第二得黎，仲会念唔知食乜可以再黎个种，系唯一要等阵位 咁好食，咪值得等。