肯德基家鄉雞 (KFC) (已結業)

上堂之前黎呢度食早餐，之前买左KFC既coupon，今次有得用啦。呢间KFC朝早都唔算太多人既，我就食左个鸡扒炒蛋同加钱饮冻Mocha。鸡扒炒蛋鸡扒特登要走汁，但个收银唔记得左，要我叫一叫先记得。个鸡扒都唔差既，肉质还算鲜嫩。个皮好脆架，呢个系走汁既好处。而炒蛋都好滑，但牛油味又唔会太重。而松饼一向都唔错既，又唔系太甜。皮脆内软，算系我爱上佢既理由。冻Mocha唔系太好饮，佢系预先加八成既冰再加朱古力浆。之后加冻咖啡，再喷cream同朱古力浆做装饰。个味道好普通，咖啡味比较重。就算系特浓咖啡加鲜奶都无今日饮既咁浓咖啡味。由于佢地之前落左几多冰，所以饮完都有半杯冰。呢杯野转饮加七蚊，好彩有coupon，唔系真系蚀哂。呢餐只系食物唔错，饮品真系令我好失望。下次唔会饮呢饮品啦，真系唔好饮既。另外，佢地明明有碟都唔用，要用即弃餐具。系好对环境唔负责任既行为，希望可以改善下啦。