必勝客

营业中

休息中

半年前叫过一次葵盛分店外卖，当年 pizza 送到嚟，pizza 边冇酱嘅地方成只食指咁多，啲料又少，焗得过火，又咸又干。半年后再叫，水准更差。今次张单 $360，所有嘢食都不可思议。第一个至尊批三藩市批底，得半边 pizza 有材料，批底可以一边劲厚一边劲薄，批底仲湿笠笠，口感超差。第二脆薯角，我冇见过薯角系可以白烚嘅。白色嘅薯角睇到薯皮少少干，其中两只边边有少少㶶，相信有入过焗炉 5 秒。第三鸡翼，又系白烚之选，咬落成只湿笠笠啲皮肉又焾，唔似系焗，似系浸完温泉。无论边间分店，一向 pizza hut 外卖出品都唔错，堂食更佳。唔相信 pizza hut QC 可以出啲咁嘅成品，如果要保住 pizza hut 个名，建议尽快折咗佢。唔系班员工技术唔够，系佢地完全冇心做，仲有心玩嘢。