卡莎338 (已結業)

呢个餐厅有两边，原来都几大，每张枱都有一个小蜡烛，几浪漫嘅有情调嘅！两个人就叫咗一个斧头扒套餐，包餐汤我哋拣咗罗宋汤，蒜蓉包，小食拼盘包括春卷鸡翼炸薯条，仲有重头戏16安士美国顶级安格斯斧头肉眼扒配意份，当然有基本的餐饮。小食拼盘而言，春卷几好食，所有野都炸得好脆口，鸡翼稍微㶶左d。其实对安士不是太熟悉，都斧头扒摆上碟时，才真正对16安士有一个全新的认识，原来系咁大块架！系大过我块面！斧头扒唔算多筋，叫咗四成熟，我认为系比坊间的四成熟再要偏生，导致冇咁好食，未去到最理想嘅水准。反而个蒜蓉包真系抵赞，好香脆好食！至于生蚝，佢有唔同嘅价位，于是我地就叫了特价四款蚝set(包括四个不同价位10、18、28、38元）根据不太专业的品尝后，发现四种唔同价钱嘅蚝嘅味道（如海水味、鲜味等）都不是相差明显的分别，只是size很不同，最贵果只＄38 同我（女仔）手掌差不多，比起soho的抵好多吧！