火鍋本色 (已結業)

话说早几日，约左朋友去打边炉，前排上过去食，觉得啲嘢食唔错，所以再上左去依间火锅本色。上到去，有个四眼叔叔问：你地几位？咁我地自然咁答：三位。之后佢就话：埋面卡位。跟住见佢行左去，我地面前卡位无人，咁我地就谂住坐低，点知阿四眼叔叔好大声咁讲：依边呀。好，我算，就当我听错。原本谂住单点，我地望到有放题，见佢同客吹紧水，咪问佢放题点计，佢就唔耐烦咁话张纸写左，你望下，就行左去。落单，叫佢又唔应。嘢食拎到嚟，就大大力咁放。唔知佢系咪老板，定系我得罪左佢，咁唔想做我生意，就一开始上嚟就讲。同啲熟客就有讲有笑，生客就呼呼喝喝，啲嘢几好食都好，有个咁嘅伙记，咩客都俾佢赶走哂啦。上次嚟，个肥哥哥好好礼貌，今次就唔见佢，搞到食餐饭都好似要受气咁。真系宁愿过对面渝味都唔会再帮衬。