德仔記

营业中

休息中

刚刚过去既星期六，有一场百年难得一遇既大型黑色暴雨，不过book左银矿湾酒店，同女朋友住3日2夜，所以照去，至于三餐，系OPENRICE揾几间有几高评分既食店，其中一间系德仔记，好评多多，第一晚我地就去试下。我地叫左人人地话好好食既豉椒炒蚬，搭椒盐鲜鱿，加咕噜班块。炒蚬真系炒得好入味，好好食，各位冇介绍错，食得过！鲜鱿都好好食，外脆内爽，唔会痴牙，都食得过！唯独班块就非常差，原因系D鱼有阵沆渠水味，我唔知系大雨失收，定佢自身水质有问题，其实D鱼就系要炸过先至打芡兜乱，而炸过之后，鱼汁会被锁住系炸浆入面，所以鱼本身好唔好，一食就会知，因此我肯定佢D班块唔得！加多，埋单HK$182，系我三日入面食得最贵既一餐。可能天雨影响，非常闷热，系就系对住个海，但都系俾唔到我任何一种享受，冇防蚊措施。唯一可以系「环境」一项加分，就只有我最钟意既猫，我地黎左 食送 冇几耐，就有两只猫走埋黎系你身边左穿右插，几得意。