明星海鮮燒鵝專門店

营业中

休息中

今晚同老婆外家一家人出街食饭，不过因为限聚令，所以要分枱座。点了几款𩠌，分别系金银蛋苋菜、蒜蓉粉丝蒸蛏子、片皮鸭、红烧豆腐同辣酒煮花螺。成晚最好食嘅系金银蛋苋菜，其他都麻麻地。先讲碟苋菜，都几大碟同埋几多咸蛋，啲菜食落去都唔"梅"，正常。到个蒸蛏子，应该蒸得太耐，啲蛏子蒸过龙变得老同韧，粉丝就反而变得干，所以麻麻地。片皮鸭就不过不失，可以接受。到碟红烧豆腐先好笑，个侍应上菜嘅时候，话北菇浸时蔬，我哋一听到就话无叫呢款，不过佢坚持话系我哋，咁紧系叫佢睇单啦，佢见到就转口话呢碟就系红烧豆腐，但我哋见到呢碟只有北菇同菜，一嚿豆腐都无，点会系呀。佢听完之后拎返入厨房，隔一阵先拎返出嚟，真系呢......到碟辣酒煮花螺，呢味真系认真麻麻，先系个卖相，成碟嘢望落去似系人哋食剩啲𩠌尾，个味除咗辣之外咩都无，完全食唔到啲螺嘅味道，唔掂。