寶峰冰室

营业中

休息中

中午到夜晚8点都未无野落肚，行过茶记又唔想食个碟头饭咁颓，咁桥有间冰室可以叫个常餐食下。叫左个G餐 鲜牛肉拼叉烧茄汤通 跟炒双蛋厚多士 冻奶茶通粉都好大兜，而且双并黎讲叉烧比左好多，都有七八旧切得偏厚既叉烧，常餐黎讲肥瘦适中，唔会旧旧都好柴口。牛肉片调味比较好轻手，大部分容易入口，得一两旧有筋。番茄汤够料但系味道可以再浓或者再甜多少少，不过都系个人口味既问题。厚多士烘底飞边是常识，炒双蛋正常发挥。冻奶茶除左偏甜之外，表现尚算正常，有唔少茶记可以再难饮。成个常餐份量都好足，坐得都舒服，上菜时间够快，待应姐姐有礼貌。食到8点半入座率有四五成。总结：呢间冰室就唔系伏既，至于50蚊叫唔叫抵食就见仁见智。如果再食茄通的话，我会试配净叉烧/拼猪润。