肉餅哥小炒料理 (已結業)

星期日夜晚谂住去附近出名嘅肉饼哥食小炒， 人多得济要外卖走。原本收银姐姐就话15-20分钟，点知15-20分钟又15-20分钟， 再问仲有几耐嘅时候有位好明显特别话得事嘅哥哥就大声话「我唔知肉饼几时蒸熟㖞！」 哥哥仔，你叫肉饼哥，最出名做肉饼，一日卖成一百几十个肉饼你都唔知肉饼整几耐？？之后我都算数唔要喇，佢就用大声到全间餐厅都听到嘅音量讲话「肉饼唔要喇 记住找返钱畀人」 但系就一句唔好意思都唔识讲 大家都系街坊 做街坊生意 但系就当客系搞事嘅，基本礼貌唔识，一副好行夹唔送嘅态度，我只可以讲系心淡 好食极都无用！