爭鮮迴轉壽司 (鴻威大廈)

营业中

休息中

话说有一日唔知道食啲咩好就入咗争鲜。装修风格每间都大同小异，一入门口就见到好大个回转寿司枱。枱面清洁得尚算干净，入座时间大概40分钟。因为时间尚早，七点之前入座所以冇排队。估唔到今次食争鲜有少少惊喜，首先就系呢个三文鱼上面嘅灸烧芝士。不过佢上面嘅芝士稍为有少少厚身同埋摆得好似比较耐，所以食唔出好大浸芝士味。芝士蟹籽同埋螺肉牡丹虾系比较好食。紫菜包裹住芝士，芝士入面有粒粒嘅蟹籽，口感丰富层出不穷。螺肉牡丹虾由烧过嘅芝麻油既脆紫菜包住，入口有淡淡的芝麻香，配有奶油喺上面，鲜甜不腻爽脆弹牙。同埋都几大旧，要分开一半嚟食。食完正餐就系要食返少少甜品，其实我觉得$8一碟嘅甜品都算系几抵。芝士蛋糕中规中矩，味道比得上其他店舖嘅蓝莓芝士蛋糕。淡淡的蓝莓酸味消滞开胃。我一直以为朱古力蛋糕真系蛋糕，点知道佢系朱古力慕丝蛋糕。朱古力慕丝下面有一层薄朱古力脆皮诚拓成个蛋糕。口感丰富，入口软滑，混杂朱古力嘅苦味同甜味。令人精神一振感到非常愉悦。总体来讲，今次都算系一个几有惊喜嘅回转寿司体验。我觉得甜品个方面真系性价比最高既一环。