影片
更多
2011-04-20
54 浏览
久不久都会经过田记，次次见到都有很多人排队，而且佢标榜的龙虾粥、鱼粥等都好受欢迎（次次都见到好多人食），再加上曾经系杂志见过佢D介绍；咁我同老公仲特登揾日早少少去，费事要等位……6:30就到了﹗其实6:30都已经开始要等位，不过我地好好彩，啱啱有人走先立即有位坐﹗大排档格局，一坐低就叫了龙虾粥、豉油王炒面同沙姜鸡脚，仲有支大蓝妹添﹗龙虾味白粥龙虾粥好快就到，黎到的时候，窝粥仲滚紧的，感觉非常良好﹗先睇一睇，全窝得4旧龙虾，得一旧系啖啖肉个只；好啦，咁嘅价钱（好似系$68）系咁上下啦，算吧﹗咁开始食落口了﹗个龙虾唔新鲜，D肉唔够白，而且很散，当然啦，龙虾唔新鲜，个粥都唔会好味﹗个粥底都唔够绵，我相信可以再煲多一段时间先LOR，而且我相信佢唔系连埋D龙虾一齐滚，所以龙虾还龙虾，粥还粥，只系错误地将两样嘢放埋一齐咁解﹗成件事就错晒LOR﹗同埋，我以为日日卖龙虾，又咁多人食，D龙虾应该系新鲜啦，但原来又系错﹗豉油王炒面无声无色地变左回锅肉炒公仔面？个炒面等左好耐，追完又追，到最后佢攞左碟风马牛不相及的回锅肉炒公仔面黎﹗我地同阿姐讲，呢个唔系我地WOR，佢话唔知系咪落错单，你如果冇问题就食埋佢啦
大排档格局，一坐低就叫了龙虾粥、豉油王炒面同沙姜鸡脚，仲有支大蓝妹添﹗
龙虾味白粥
龙虾粥好快就到，黎到的时候，窝粥仲滚紧的，感觉非常良好﹗先睇一睇，全窝得4旧龙虾，得一旧系啖啖肉个只；好啦，咁嘅价钱（好似系$68）系咁上下啦，算吧﹗咁开始食落口了﹗个龙虾唔新鲜，D肉唔够白，而且很散，当然啦，龙虾唔新鲜，个粥都唔会好味﹗个粥底都唔够绵，我相信可以再煲多一段时间先LOR，而且我相信佢唔系连埋D龙虾一齐滚，所以龙虾还龙虾，粥还粥，只系错误地将两样嘢放埋一齐咁解﹗成件事就错晒LOR﹗同埋，我以为日日卖龙虾，又咁多人食，D龙虾应该系新鲜啦，但原来又系错﹗
豉油王炒面无声无色地变左回锅肉炒公仔面？
个炒面等左好耐，追完又追，到最后佢攞左碟风马牛不相及的回锅肉炒公仔面黎﹗我地同阿姐讲，呢个唔系我地WOR，佢话唔知系咪落错单，你如果冇问题就食埋佢啦，价钱照收炒面钱﹗咁……我地食埋LOR，哗……油到呢，不如改叫回锅肉油浸公仔面啦，食完面个浸根本冇可能食到下面个D，成碟面得3块回锅肉，佢都够胆死收人好似$48一碟﹗
「走」沙姜鸡脚
相信只有田记才会有独家的「走」沙姜鸡脚，食落去完全冇味，我又问阿姐攞碟沙姜先……佢话今日冇沙姜呀，D鸡脚唔够味？比D豉油你好唔好？我立时O左，你冇沙姜都够胆卖沙姜鸡脚？好嘢﹗
一路食都一路听到D人催呢催路，又话成日漏单咁……而且价钱都唔系平，相信冇下次了﹗
张贴