和拉麵

营业中

休息中

小弟最近去左一试呢间都颇多好评既和拉面，我去个个钟数就大概六点九个字度，间野入面就得我一台客，一坐低就叫左个最basic既拉面同埋饺子，特浓要加八蚊，小弟冇加，因为惊个味太重，到我食完之后发觉错哂。碗野上到黎，当然要试下个汤啦，饮落就即刻已经觉得有点伏。首先好肯定一样野，个汤底唔系味精野黎既，呢个值得赞赏既，但系佢个汤底质地又稀，个味又唔系好够同埋唔够香，饮落觉得有点难受，但系又唔系话难饮既。至于个面，普普通通咁啦，OK既。只溏心蛋就介乎普通同难食之间啰，唔知系咪有点太熟，好似有d硬胶质地，不过溏心蛋呢家野好难可以难食既又。个荀就几好，食落个味都几爽口同埋香。个叉烧都好有心机，特登烧左一烧，个人好欣赏呢个做法，会香好多，奈何师傅个刀功实在太好，块叉烧有点太薄，同埋唔知系咪烧得唔系好够，烧完都系有d冻……不过都OK既，都可以算系好食既……诚意搭救丫嘛。讲埋个饺子，28蚊得四只……食过好多间，好少有铺头咁孤寒……不过，个味道唔错既，个馅料肉菜比例相当日式，唔似我地中式既饺子馅咁样多肉少菜，别有一番风味。咁总括而言，对我黎讲呢间野其实介乎唔合格同伏之间，但系比佢好食既拉面店系香港大有铺在，加