ラーメン松壱家

营业中

休息中

去到铜锣湾想食碗拉面，第一时间梗系去登龙街，拣咗几间都食过，就系呢间未试过，而且冇乜人，冇用安心出行，店舖提供表格，填写完放入收集箱。店员招呼正常，堂坐客都唔算多，我拣咗一个四人位，中间有胶板，坐低之后店员亦有送上一杯水。店舖环境一般，都系传统拉面店嘅格式，呢间舖头已经开咗一段时间所以感觉都有少少旧。其实餐牌都几多选择，又有猪骨汤又有鸡汤，我最钟意食黑蒜油，就拣咗黑蒜油拉面，拉面有得拣软硬度亦都可以拣幼面或者粗面。以上嘅选择都可以喺表格上自己填写然后交俾店员，就会帮你落order。本身我碗拉面只配有一只好细嘅鹌鹑蛋，所以我另外加咗一只蛋，碗面嚟到啦，感觉有啲怪，并唔系传统嘅拉面款式，上面有好多芽菜，而且配有部份青菜，我叫咗正常size但系本身碗面都算大碗，面条好多，幼面OK几好食，亦都系我想要嘅软硬度，汤嘅黑蒜油味都好重，但系就觉得汤底唔算好清甜，反而觉得好重味精，鹌鹑蛋嘅味道几好食，反而我另外加嘅只蛋就唔太糖心，可能系煮内咗。叉烧只系得块 ，而且比较薄，不过食落都系嫩口唔算好「鞋」。整体来讲感觉一般，食物我觉得还可以，不过可以再煮得好少少，大家可以自行衡量。