串王之王 - 正宗成都串串火鍋 (已結業)

同朋友去试左间新开既餐厅，一入到去就闻到好劲既麻辣火锅味😆餐厅面积唔算好大，我地被安排坐左系梳化位，自问系一个瘦人都觉得有点迫，好彩我地两个人食佢俾张四人枱，如果唔系野食都唔够位放。通道亦比较狭窄，系拎火锅配料个条巷都要瞻前顾后😣一坐底店员就拎住一篮火锅酱料，佢地呢度系唔用鼓油架👆🏻而系用蚝油麻油。店员会问你有咩唔落，帮你调好个酱，我就话唔要辣椒，但点知佢将我同朋友既都整错哂😤然后我请求自己动手🤣🤣虽然这是贴心既服务，但咁少野都记错就....🙉🙉同埋自己整份量可以控制。汤底有四款，麻辣、菌王、番茄、药膳。有得拣鸳鸯锅，我地就拣左麻辣(小辣)同药膳，朋友觉得麻辣唔错，唔算好辣但好香。药膳汤底落左好多料，感觉非常补👍🏻👍🏻点餐纸有啲特选配料，我地点左个安格斯牛，还好😆脂肪比例比较多。仲有好多火锅配料可以系冻柜度拣，一串串既就逐支签计，有啲款系两支签，而用杯碟装𠮶啲就以颜色去计。有好几款肉类都有洒左辣粉，因为我唔食辣，加上个日病病地冇咩胃口，所以觉得冇咁吸引🤭质素ok，性价比唔太高，除非你成餐净食串串，你一加海鲜、牛肉啲贵野就预左埋单会贵💸，所以都睇你点食。我就觉得未有太大惊喜，其实都系贪新