Mini Friday (The Wave)

营业中

休息中

一入去就有小食为敬，赠送的墨西哥脆片，一开始就脆片打人牙骹软先，好味。印象分会马上upupup。黑松露啡菇水牛芝士薄饼：批底好特别，好爽好薄好脆，钟意薄批底一定满足。所谓黑松露系显现在pizza的底酱，然而饭脚表示啲酱唔均匀，我倒是还好。冲著批底，相当唔错。原只法式香草烤鸡（套餐）：点讲好呢，有少少失望。肉唔够嫩，应该系焗得老咗少少。亦都系所谓，呢个价期望可以更好。套餐跟汤同沙律。饭脚表示沙律酱咸咗啲。蘑菇汤倒是不错的。跟餐甜品Brownie：喔。就系普通好食的Brownie，然而佢畀食饭用大匙羹我食甜品，感觉好微妙。Sangria鸡尾酒：系经典的西班牙水果酒。私以为呢间舖最特别系佢有成jar卖的鸡尾酒，一jar 98蚊，大约斟到4杯，呢个价格，当然，对酒有要求的话会嗤之以鼻，但以阳春版的角度嚟讲，我接受。至少味道无太大偏差，唯一系鸡尾酒一大重点系睇得，Sangria应该会加好多水果落去，而佢卖相就系利宾纳咁......而然都系𠮶句，冲著价钱，以cheap酒的角度嚟睇，我接受，甚至可以话CP值几高。