泰贊- 創意泰餐廳 (已結業)

每次夜晚经过呢间so thai so good 都劲多人，咁啱今日同中同食饭，佢其中一个suggestion系食呢度，所以就试左佢。本身约8:30pm，但小妹谂住早d过大中行下，顺便知佢多人就拎左飞先，所以未够8点就到左。中同突然要OT，大概9点先到，点知佢0黎到都仲等紧位，结果佢嚟到都仲要等多10分钟先入得。呢度其实唔算多位，仲几多系一家大细4,5个人嚟食，可能因为呢个原因长期要等。布置一D都唔泰菜FEEL，仲有D食客留低0既即影即有相。食物方面主打泰菜，但都有D西式主菜同甜品。我哋叫左2个头盘，1个饭同1个青菜，而中同就另外叫左个青柠梳打饮。猪颈肉: 唔肥，好淋，好入味，但下面D饭即使并埋猪颈肉一齐食都觉得完全无味，即使加埋酱汁都无咩味，如果呢个菜系净烧猪颈肉，小妹觉得反而仲好...虾饼: 唔好食，原因系D虾唔新鲜，系呢D餐厅当然我唔系expect去食海鲜咁，但都唔好俾d有梅梅哋味0既虾去整丫...芥兰: 最好食，5粒星，唔油，唔会太硬，亦唔太稔，有少少爽口，!最后个烧鸡饭，鸡系可以，唔鞋，味道唔错但个饭太多提子干，反而无咩菠萝，搞到个饭太甜，成件事好唔match，所以嘛嘛哋好食。