好湯好麵 (名店坊)

营业中

休息中

有次打算揾拉面食，朋友推荐咗呢间面店，话好过食拉面，咁我紧系带住expectations去食啦💭。周六夜晚8点几嚟食个场都唔full，唔知系咪因为定价偏高呢？老实讲一碗海鲜汤底嘅阳春面值唔值$140以上呢？大家心中自有分数啦😌。⠀嗌咗个被推荐嘅“海龙皇汤”🍜，材料都几丰富架，有蓝蟹肉(好碎好少😅)、两只海虾尾(几大只几弹牙嘅👍🏻)、北海道鱿鱼(唔韧但冇味)、北海道刺身带子(几甜唔韧)、广岛蚝(几鲜)、虾头油、皇汤同阳春面。讲吓汤底，系有新鲜嘅虾油味，但你话系咪令你想饮晒成碗𠮶种，似乎又唔系🤔，不过汤底都算唔错嘅。讲吓个阳春面，煮得偏腍，份量多，细食嘅女士未必食得晒成碗，不过呢个价钱唔比返咁上吓真材实料你就唔抵食啦，所以份量嚟讲绝对合格👍🏻。个人口味嚟讲唔算好中意，但对于喜欢阳春面或者喜欢海鲜虾汤嘅你应该都会欣赏呢碗精致嘅面✨。