大丁小甜

营业中

休息中

本人去落单要一杯椰汁兰香子$25，随后马上同女员工讲转做椰汁黑珍珠$23 ，女员工仲话黑珍珠系细粒嘅问我得唔得我话OK冇问题，佢整完同我讲$25，我问佢唔系$23咩，佢话唔系$23系$25.用杯装要加多两蚊，佢仲带我入舖头睇所有用杯装嘅都系$25 ，佢话唔会系$23，佢话如果你用碗装就系$23我话咁你要帮我用碗装啦，佢话都系两蚊啫，唔好咁计较啦OK好问题我唔同佢计较。 我返到屋企后发现我嘅椰汁黑珍珠其实系椰汁难香子，我拎返去同佢讲点解系椰汁兰香子，佢话黑珍珠即系兰香子，我话你两个嘅价钱系唔同你咁样做生意即系唔老实啦，跟住佢话一向都系咁样要收多两蚊我话你嘅价钱表都冇写到，佢价钱表净系写外卖盒加一蚊杯装除外，佢话唔使写，不嬲都系咁样，态度仲要超差，唔系为咗两蚊鸡，而系呢间野做街坊生意都咁唔老实。