肉餅哥小炒料理 (已結業)

系两年前到去过荃湾的肉饼哥，事隔一排原来系大围都开左一间分店，餐厅位置系一个屋村内。星期六7点几入到餐厅，已经见到有好多人已经食紧了。坐低后，职员先放低例汤。个汤无咩味精味，而且有D莲藕食下。今次我们叫左一份蒸的金沙蛋黄肉饼。肉饼上面舖满香喷喷的咸蛋黄。蒸肉饼的好处系可以食到肉饼的肉汁，味道非常Juicy好食，难怪呢款肉饼会长期上餐厅的Top List！切开后就会见到流心的咸蛋黄油口味好香，送饭一流！另外，屋企人就叫左一份煎的潮州家乡肉饼。潮州家乡肉饼系咩？其实系韭菜、花生、马碲、冬菇、沙葛。呢个肉饼同头先唔同的系煎肉饼比较香口，加上多款有口感的材料，口感非常丰富。忘记讲tim，个肉饼除左白饭、南瓜粥、米粉外，仲可以+$2转菜饭tim！最后，屋企人想食多少少蔬菜，所以就叫左个海皇杂菜煲。菜煲的海鲜都有好多，除左有虾仁、鲜鱿外，仲有带子！食到尾热热地，想饮下冻野，我就叫左枝忌廉饮下，屋企人就拣左一枝枝装茶。整体黎讲，餐厅的CP值高，好食又唔贵。重点系平时系出面好难揾个坐得舒舒服服的地方食肉饼，呢到就可以满足大家了。