Just Eat (已結業)

话说依条英华台不嬲都带有一份神秘感，同时啲餐厅有如车辆转，不停易手开新店。最近又有餐厅新开张，叫做Just Eat🍽，系一间新派越南餐厅嚟，而家做紧九折优惠。餐厅环境简约，有种小清新的感觉🌿。座位唔多，但坐得舒服，留意番冷气比较冻！餐厅无做晚市套餐，所以只能够散叫。我哋两个人各自叫咗一碗粉同一杯饮品，再加一份小食Share。估唔到咁样已经好饱，份量十足👍。浓味牛汤浸牛肉河($62)，河粉可转金边粉或檬粉，但食Pho就梗系唔转啦！🐮牛肉河胜在各方面都非常平均，牛肉份量多、口感够厚亦唔错；而且汤头好浓郁，记得落埋辣椒粒同青柠汁吊味，我成碗汤饮哂🤤。烧鸡捞檬($62)，依个系惊喜之作，首先捞檬有唔少花生粒、生菜丝同萝卜丝捞埋一齐，而且最重要系冻檬本身无痴埋变成一饼饼，加埋鱼露汁食，酸酸的好开胃😆。不过最瞩目嘅系烧鸡🐔，因为佢唔系平日食开嘅鸡扒或好干身嘅鸡块，其实佢系两串鸡肉串烧嚟，但起咗肉，有四件。鸡肉有烧烤香味，肉质十分嫩滑，而且好好肉，十级正😋。丝网春卷($38)，中式春卷我就唔钟意食，不过丝网春卷就可以试下嘅，加上系朋友发板。春卷夹埋生菜食，成个感觉升华咗不少😍，都OK。饮品方面，我哋