潮福蒸氣石鍋 (已結業)

系厚福街一带有唔少餐厅，单系蒸气火锅都已经有两间，但系朋友话潮福装修完想再帮衬一次，食过几好咁，就一齐去试试，$338一位老实讲系几抵，单点要食到饱真系绝对唔止呢个价。先送上烧鹅同刺身拼盘，如果唔想食刺身拼盘嘅话都可以拣龙虾，刺身肉质就真系一般，不过始终佢唔系日式餐厅唔可以要求太高。螺肉炖汤热辣辣一盅上，汤料好多，饮完亦唔多觉口渴。海鲜我地拣左蛏子、扇贝、象拔蚌同龙趸，蛏子有沙，但其他都几鲜几大只，仲会送蚬肉添。任食部分肉呀菜呀丸呀点心等等都可以任食，个人觉得牛肉粒系必食，好Juicy。最后饮完碗吸收晒上边咁多种材料精华嘅粥，又棉又香，好满足。