等等HEA

营业中

休息中

嗌咗堂食外卖，预早左时间行过去。唔行入去，都唔帮你接单，早知等多2分钟cut鬼咗佢张单。行到入去问，个职员完全唔理你感受，问佢有冇做张单，佢即刻当刻接，本身谂住掉头走，想cut都cut唔到。重点系啲职员挂住倾偈，态度差到爆。叫外卖自取都仲要等多二十分钟。讲真九龙城大把嘢食，唔洗食佢。我叫左个手撕鸡饭，有啲油腻，所谓手撕鸡好拆骨好求其，完全食唔出台式风味，食完仲觉得好多味精。另外嗌杯珍珠奶茶，啲珍珠黐埋一嚿嚿，好多奶饮唔到茶味。我谂就算系堂食都唔会好得好多，因为地方好细，话有火锅提供，空气混浊。