影片
更多
2009-03-29
27 浏览
同男友放左工去食，时间仲早无咩人，所以阿姐的服务态度唔错。两个人叫左一个三只土匪鸡翼，一碗酸辣米线走芽菜要腩肉同墨丸，加杯冻柠茶。呢间谭仔比起其他店平，加饮品加三元，一个𩠌四元，较抵。呢间店近我返工地方，所以常同男友黎食。男友唔多钟意呢间店，不过我钟意佢就会就哂我。我同男友都细食，而呢间舖的米线又大碗，所以只叫一碗米线。虽然o的人话阿姐态度唔好，但今次阿姐不单无啤住，仲俾左两只碗我地，服务几好。我以前唔钟意食米线，因为米线太林，但呢间米线几爽口，令我接受到，个酸辣做得o岩我口味，辣得黎唔会太呛，佢唔似某些酸辣店，用辣汤加酸菜奉客而系直接用酸辣汤，呢个几好。(虽然男友都食到流汗，因为佢真系唔食得辣)配菜有腐皮、九菜，同我走左的芽菜，腐皮同九菜份量充足，唔会太烂，合格。而腩肉真系几正，肥肉爽脆，而且有成六七片，我同男友都够分。墨丸墨鱼味都够，几爽口，有四粒，不过我喜欢腩肉多点。埋单两个人40蚊，真系好抵。其实第一次帮衬左后，我耐唔耐都会黎一次，好似上左瘾咁，下次想试麻辣。(男友露出救命的神情)
呢间谭仔比起其他店平，加饮品加三元，一个𩠌四元，较抵。呢间店近我返工地方，所以常同男友黎食。男友唔多钟意呢间店，不过我钟意佢就会就哂我。
我同男友都细食，而呢间舖的米线又大碗，所以只叫一碗米线。虽然o的人话阿姐态度唔好，但今次阿姐不单无啤住，仲俾左两只碗我地，服务几好。我以前唔钟意食米线，因为米线太林，但呢间米线几爽口，令我接受到，个酸辣做得o岩我口味，辣得黎唔会太呛，佢唔似某些酸辣店，用辣汤加酸菜奉客而系直接用酸辣汤，呢个几好。(虽然男友都食到流汗，因为佢真系唔食得辣)
配菜有腐皮、九菜，同我走左的芽菜，腐皮同九菜份量充足，唔会太烂，合格。而腩肉真系几正，肥肉爽脆，而且有成六七片，我同男友都够分。墨丸墨鱼味都够，几爽口，有四粒，不过我喜欢腩肉多点。埋单两个人40蚊，真系好抵。
其实第一次帮衬左后，我耐唔耐都会黎一次，好似上左瘾咁，下次想试麻辣。(男友露出救命的神情)
张贴