海福小館 (已結業)

今晚约左为食友人们食晚餐，对观塘非常熟悉嘅友人一手拉左我地黎呢个商场，真系未黎过未听过，果然系地胆，呢度好多小舖，有干净版东门嘅感觉。坐底后大家拣好落单，比埋钱就等野食到。秘制牛腩河不得不差评，咁嘅质素都可以话系招牌菜。先讲牛腩，有少少实，如果系整得好应该系爽脆而唔硬，而且份量太多，同河粉分量唔啱比例，至于河粉，一啲都唔滑，仲有个汤底，有腩汁都觉得好淡，完全唔掂。沙嗲手撕牛肉捞面呢个系为食友人叫嘅，卖相都几肉酸，佢食净半碟，原来好咸，唔好味。秘制牛腩捞面呢个虽然唔太好食，但友人都食清光，好欣赏佢唔浪费食物，而且佢真系好饿。