影片
更多
2020-10-19
119 浏览
早排行过铜锣湾知道咗呢一间新开嘅越南餐厅SO TAM，就同朋友去咗帮衬下！食完又觉得佢几物超所值，钟意去食越南野嘅唔好错过。前菜我哋叫咗两款，分别系蒜香牛油鸡翼（$68），同埋越式扎肉米纸卷（$78）。蒜香牛油鸡翼$68有四只，每一只都充满牛油香味，厨师整呢一只鸡翼处理得好好，配埋新鲜青柠汁一齐食就算有好多牛油味都唔会好流👍而家越式扎肉米纸卷就好清爽，作为前菜一流！米纸卷入边有米粉，大虾，生菜，青瓜等等唔同嘅蔬菜。配埋𠮶汁一齐食好开胃！至于主菜方面呢度都同样出色，首先要推介嘅系蒜蓉烧大头虾（$188），大头虾烧完啲虾膏特别好食，而且啲肉烧完之后冇缩水或者梅晒。但系个价钱有少少贵，但系新鲜嘅大头虾咁好食就俾贵少少都得啦😛烧牛柳串（$48），食完个大头虾就到烧牛柳啦，呢个烧牛柳就真系几抵啦。$48有两串烧牛！个牛烧得啱啱好，仲保持到烧牛应有嘅嫩度同埋肉汁。再加上秘制嘅烧汁酸酸地好快就俾我哋K.O.晒两串啦。春卷鸡肉串捞檬（$88），呢个捞檬份量十足，分别有春卷两条同埋鸡肉串两条再加上好多捞檬。我特别钟意食佢嘅春卷，贪个春卷够晒香口配埋啲捞檬一齐食唔会话太过油腻，而个鸡肉串有啲沙嗲味独立食又
前菜我哋叫咗两款，分别系蒜香牛油鸡翼（$68），同埋越式扎肉米纸卷（$78）。蒜香牛油鸡翼$68有四只，每一只都充满牛油香味，厨师整呢一只鸡翼处理得好好，配埋新鲜青柠汁一齐食就算有好多牛油味都唔会好流👍
而家越式扎肉米纸卷就好清爽，作为前菜一流！米纸卷入边有米粉，大虾，生菜，青瓜等等唔同嘅蔬菜。配埋𠮶汁一齐食好开胃！
至于主菜方面呢度都同样出色，首先要推介嘅系蒜蓉烧大头虾（$188），大头虾烧完啲虾膏特别好食，而且啲肉烧完之后冇缩水或者梅晒。但系个价钱有少少贵，但系新鲜嘅大头虾咁好食就俾贵少少都得啦😛
烧牛柳串（$48），食完个大头虾就到烧牛柳啦，呢个烧牛柳就真系几抵啦。$48有两串烧牛！个牛烧得啱啱好，仲保持到烧牛应有嘅嫩度同埋肉汁。再加上秘制嘅烧汁酸酸地好快就俾我哋K.O.晒两串啦。
春卷鸡肉串捞檬（$88），呢个捞檬份量十足，分别有春卷两条同埋鸡肉串两条再加上好多捞檬。我特别钟意食佢嘅春卷，贪个春卷够晒香口配埋啲捞檬一齐食唔会话太过油腻，而个鸡肉串有啲沙嗲味独立食又得，一齐同个捞檬食都好唔错👍
食咗咁多野其实都几饱，但系朋友坚持话要食呢度嘅甜品！好彩我有听佢话因为呢度有甜品系好出色，简直系成晚嘅越式料理上完美嘅句号！ 今日我哋叫咗两款唔同嘅甜品，分别系拉椰糕（$38）同埋咖啡雪山（$48）
拉椰糕得好精美，问返经理话原来系厨师亲自一层一层咁样整出嚟。就系呢份心思都值得加分！呢个甜品唔会好死甜，真系食得出椰汁𠮶种奶香味同埋清爽👍
至于另一款甜品咖啡雪山更加好食，咖啡雪山喺越式餐厅都几普遍嘅甜品。但系呢个特别就特别在餐厅自制左呢啲焦糖脆米通，就系呢个焦糖脆米通令到呢一个甜品咁特别。而且咖啡重装左落个试管度影相都几靓。钟意咖啡味浓啲可以落多啲，淡啲嘅可以落少啲。呢个甜品会令到我再次encore呢一间餐厅呀。😌😌
张贴
