八天堂 (已結業)

话说有日等食芝乐坊嘅时候，朋友话太肚饿，而咁岩隔离有间八天堂，所以点左一个蒲烧鳗鱼茶渍饭两份分顶住肚先（因为芝乐坊话要要等三个钟之后先有机会有枱🙈）等左一阵个餐就送到啦，见到白饭上面有一只温泉蛋再加上切碎左嘅鳗鱼，日式芥末、红姜丝同埋葱粒，店只话根据个人喜好做将茶加份入饭到捞匀食就可以。果壶相信应该系日本玄米茶，但系加落个饭度之后成件事变得好奇怪，首先个饭嘅味道就充满咗玄米茶变得好淡，然后原本有少少鳗鱼汁嘅鳗鱼都变得冇晒味，再加上芥末溶咗喺个饭里面，成件事真系奇怪到唔识形容🤷🏻‍♀️可能纯鳗鱼汁捞饭食会更加好味吧！承惠$88，真心觉得唔识欣赏同埋可一不可再😫