鳳城酒家 (已搬遷) 新店位置

早两日又去凤城饮早茶，谂住试下佢地d招牌鱼翅灌汤饺，虽然要$30一笼(两只)，但见佢咁大只，谂住里面一定好多汤汁。点知里面汤就无，啫喱状既大菜膏就大把，唔知系原本的设计就系咁，定系蒸得唔够呢？味道ok既，之前看过网友话，果d啫喱系燕窝，但我地就唔识欣赏啰。另一样我地唔钟意既就系鲍鱼鸡烧卖，其实即系类似春蛋烧卖咁，在烧卖上放上鲍鱼和鸡，不过原来每笼只有两粒，一粒上面放鲍鱼(类似寿司的货色)，另一粒上面就放鸡肉。食完真系觉得有d揾笨。