Cocolo Tokyo Cake Factory (利東街)

营业中

休息中

之前听朋友讲过有呢间日本糕饼店，在湾仔站行利东街出去合和行几次，都对呢间店舖无咩印象，今日难得朋友话嚟我处下午茶，当然就要买些好食的糕点，再加杯靓咖啡嚟吹下水啦！突然记起有呢间店，今次特意留心去行，但都会唔过咗，再行返转头先见到，入到的装修好简约，两个柜⋯⋯一个放蛋糕，另一个就放批，今期有四款批，可惜栗蓉批无咗，转了做柠檬批，咁就一于一个苹果批、柠檬批再加两件切饼啦！但在过程中又俾我见到栗子布朗尼蛋糕，就要多两件啦！服务员好细心咁帮手入盒，仲会俾我睇下有无问题，几好！苹果批热返之后，酥皮脆卜卜，入面的苹果蓉唔太甜，配合个吉士粉，真的好好味，好值得再嚟一次！栗子布朗尼就出乎意料的好味！栗子蓉好香，下面的cream又好滑，重点系佢唔太甜，好适合做下午茶的饼，今次无选错，太好啦！