Favilla Cafe (已結業)

成五点钟先喺鲗鱼涌做完嘢，匆匆忙忙喺附近揾间 cafe 食晚餐，结果揾到呢间，店仔细细，几个 staff 好似系一家人，阿妈负责整嘢食，阿仔就招呼客人，都几温馨🥰。叫个烟三文鱼牛角包配双倍芝士味噌炒蛋，以为系成个包夹住啲馅上，原来所有嘢分开上，有啲似配料少啲嘅 All Day Breakfast。当中我最钟意炒蛋，味噌味几浓，入面啲芝士多到可以拉丝😍；牛角包牛油味唔算浓，不过质地几厚实，较为饱肚；紫薯蓉颇为香甜，质感绵密，唔错；至于烟三文鱼同沙律菜就正常水准。对面位叫咗件柚子芝士蛋糕，我食咗一啖，柚子味同芝士味都几突出，好食👍。饮品方面，我杯 Cappuccino 比较 nutty，系我钟意嘅味道；对面位杯 Matcha Latte，据佢形容，抹茶味非常浓郁，睇嚟都系高质嘅。