巴打麻辣燙 (已結業)

午餐又揸车去元朗揾嘢食，之前喺网路平台见到推介依间麻辣烫，就决定去试一试。同样先介绍交通方面，除咗绿色小巴（鸡地 ↔️大棠）之外，我望唔到有咩交通工具嚟到，揸车人士就好方便，门口有好多嘅表位。入到餐厅俾人一种好简洁干净嘅感觉，同区内其他麻辣烫一样，你只系需要攞个胶盆，行去雪柜， 夹起你想食嘅嘢埋去俾钱就得，对于我有食开麻辣烫嘅人嚟讲都尚可，但系如果冇食开区内麻辣烫既人，系唔知边个位既胶盆用得，可以夹既食物亦都无字话你知系咩，当你想知道嘅时候，就必须要问店员咁我好简单求其咁拣咗个红薯粉同几样食材，之后同佢讲小辣，再俾钱，再揾个位坐低就可以等食上到枱我唔相信我眼前依碗系麻辣烫，基本上一啲红油都冇，只系可以讲，可能系新派嘅关系，迎合香港人，小辣就即系唔辣，所以我都要叫佢攞啲辣油俾我，系未加辣油之前，我试咗个汤嘅味，系唔麻既，而未到汤嘅辣油，明显有花椒系入面，加左两份既辣油后，碗野终于似麻辣烫，可惜上枱时汤底已经唔算好热，搞左一轮，汤底剩返微温，食物都变得唔好食总括黎讲，下次黎一定拣大辣，咁就可以汤够热既情况下食，汤够热又够辣，相信一定好好食