茶茶台式料理 (已結業)

本身有听过呢度嘅臭臭锅唔错，但冇咩人排队，咁啱夜晚谂唔到食咩就嚟试一个普通嘅台式晚饭谂住，点知发现普通嘅台式料理都都真系偏普通唔系话唔正宗，系以呢个价钱食台湾最平最平𠮶种台式卤肉嘅质素，就感到唔太抵食。总括嚟讲同隔离阿木相比真系 阿木好味好多，希望呢间良心小店会改善一下。先讲环境啦，呢度楼底都算几高，装修又ok，以格仔白墙为主题，几有台湾cafe feel，坐位唔算好阔或者特别窄。食物方面，卤肉饭嘅卤肉系好Hea嘅卤肉汁同肉碎，肉碎有少少似快餐店嘅鱼香茄子肉碎质素，好「林」冇咬口，唔系特别香卤肉味，肉质都好一般。不过炸鸡扒搭救，盐酥鸡扒脆卜卜，入面鸡肉都几嫩滑，调味唔会过咸，呢方面做得唔错另外我哋叫咗香辣五宝面，香辣汤底好唔掂，得个辣字，系就系好辣，但完全冇应有嘅咸味同汤底味，亦唔特别香，成碗面同饼都系得个辣字，牛肉有少少韧，会痴牙，好普通都唔特别推介。