影片
更多
2023-04-21
327 浏览
呢日去火炭朋友屋企玩佢就系火车站附近接我哋，跟住话先带我哋去间好嘢道食正嘢，心谂喺火炭区会有咩好嘢食啊！点知佢带咗我哋去门口靓到好似日本筑地咁靓嘅水产店，𠮶日我哋喺道食咗好多靓生蚝同埋刺身，估唔到喺火炭工业区入面都真系卧虎藏龙呀。呢间水产店个名叫做食餐好本店，紫色控老婆大人见到个门口直头发咗癫，起势喺道影相打卡真系俾佢笑死。跟住老板好客气请我哋入去睇佢哋嘅靓海鲜，入面真系包罗万有细至鲍鱼大到十几斤重嘅长脚蟹，同埋龙虾、象拔蚌同埋靓鱼都有得卖。另外仲有日本直送嘅急冻海产、潮式丸、冻海鲜、新鲜刺身拼盘，同埋我老婆大人都好钟意嘅生蚝都有得卖。呢个时候大家忽然海鲜瘾起，原来呢度除咗批发都会做埋零售㗎，咁一于买啲生蚝同埋刺身就地正法啦哈哈。我哋点完钟意嘅鱼生老板会即刻切俾我哋，可以望住佢喺度切同埋砌一盘劲靓嘅刺身拼盘真系好治愈。呢日咁啱南非生蚝做特价99蚊有半打，谂都唔使谂啦即刻嚟两打蚝食喇喂。$16.5一只嘅南非生蚝即开出嚟，只只都胀卜卜好鬼新鲜，加啲新鲜嘅柠檬汁落去食已经正到不得之了。刺身拼埋就坚啰有劲鲜甜嘅北海道海胆，仲有赤虾、三文鱼籽、三文鱼、八爪鱼、吞拿鱼同埋象拔蚌刺身，样样都鬼咁新鲜
呢间水产店个名叫做食餐好本店，紫色控老婆大人见到个门口直头发咗癫，起势喺道影相打卡真系俾佢笑死。
跟住老板好客气请我哋入去睇佢哋嘅靓海鲜，入面真系包罗万有细至鲍鱼大到十几斤重嘅长脚蟹，同埋龙虾、象拔蚌同埋靓鱼都有得卖。
另外仲有日本直送嘅急冻海产、潮式丸、冻海鲜、新鲜刺身拼盘，同埋我老婆大人都好钟意嘅生蚝都有得卖。
呢个时候大家忽然海鲜瘾起，原来呢度除咗批发都会做埋零售㗎，咁一于买啲生蚝同埋刺身就地正法啦哈哈。
我哋点完钟意嘅鱼生老板会即刻切俾我哋，可以望住佢喺度切同埋砌一盘劲靓嘅刺身拼盘真系好治愈。
呢日咁啱南非生蚝做特价99蚊有半打，谂都唔使谂啦即刻嚟两打蚝食喇喂。
$16.5一只嘅南非生蚝即开出嚟，只只都胀卜卜好鬼新鲜，加啲新鲜嘅柠檬汁落去食已经正到不得之了。
刺身拼埋就坚啰有劲鲜甜嘅北海道海胆，仲有赤虾、三文鱼籽、三文鱼、八爪鱼、吞拿鱼同埋象拔蚌刺身，样样都鬼咁新鲜坚掂档。
除咗去铺头食之外可以外卖自取，买满二千蚊附近火炭、沙田同埋马鞍山区嘅客人有免费送货，其他区可以代叫车送货到付超方便。
食餐好本店 Eat Well Honten
电话：95413003
地址：火炭10-14号桂地街华丽工业中心地下5号舖
张贴
