牛扒先生 (東港城) (已結業)

半自助午餐主菜由价钱由$88-$178加10%另包一杯饮品，自助区有汤有沙律有甜品，其实都几抵。不过我哋下午1:45入座，外面写住用餐时间系1小时15分，无写几点停，入座后职员无提过2点30分自助区会停，只喺停之前10分钟通知，谂住慢慢食，所以最后系几无奈。撇除呢点，我觉得价钱系合理，食物亦唔钱错。餐汤味有啲重，料好足。沙律，款式都几多，其中一款系肠仔沙律，小朋友都会钟意，就算好似我咁唔钟意食菜都会有菌类同粟米，我觉得唔错。蜜糖烧烤酱焗英国猪肋排，外面酱嘅味有少少过咸，连里面嘅肉大啖啲会中和到，肉几嫩，份量亦满意。法式肉酱粗管面，肉酱汁好浓，几好味。豆腐花一滗落碗就碎，芝麻糊无咩芝麻香味，焦糖炖蛋蛋味浓厚。放题常见甜品。每人一杯餐饮。