上海喬家柵飯店 (已結業)

太太想食下上海野.就同佢行左去依间试下!麻辣口水鸡($60) - 虽然.叫麻辣...但一D都唔辣. 鸡都几滑不过个人觉得太冻!红油炒手($28) - 送到来有D奇怪...唔觉有红油㖞! 可能系底下啦.唔理啦..食食下觉得点解净系得麻酱?问问伙计系厨房误会左"走辣"...但原来唔辣都几好食! 南翔小笼包($28) - 觉得麻麻地, 肉汁唔够多.皮比较厚D. 只系中规中擧 糖醋黄鱼($85) - 正! 炸得好脆口. 唔油腻. 配上糖醋汁好好味. 个汁唔酸刚刚好~埋单二百几, 因要加一及茶钱之类....整体唔错! 我都会再来食!