梨花苑韓國料理 (已結業)

听讲呢间系韩国人自己开嫁，亦都由韩国人打理，Ｄ员工个个识讲韩文（好似系）。所以我都见到好多韩国人系到食，听到好多韩文，好似我地格格不入咁ＬＯＬ讲番Ｄ食物先，石头窝饭好味道，食到底仲有饭焦，好香，见到隔离韩国人嗌左泡菜冷面几唔错，所以我地都一样嗌左，当然唔错啦，绝对系第一样推介，真系好好食，弹牙可口，连泡菜食够晒辣，嗜辣唧朋友千万唔好错过，记住要冷面至够辣，有汤唧就唔够辣了。另外仲叫左豆腐窝、海鲜煎饼，海鲜煎饼用料丰富又煎得香口，送酒一流!仲有炆牛骨，牛骨用韩式甜酱油，炆得非常入味，味道甜美。连带一众配料如红萝卜、冬菇等都好好味，除了韩烤，呢个炆牛骨都唔好错过。另外, 服务都唔错啦, 琴晚full晒, 但我地叫waiter时, 佢地都尽快应我地, 有时请佢地加茶, 加order, 问野, 分野食等都尽快帮我地搞。