沙嗲王 (金馬倫道) (已結業)

呢间沙嗲王，系尖沙咀lunch 时间，长期都劲多人拎飞等位，今次我地预先用左app 拎飞，所以去到唔洗等好耐。间野系楼下等位，楼上就系食野既，有位就行楼梯上去。我地坐底，望完餐牌，就禁佢个机仔，要求落单，但禁左几次，都未有店员过黎帮手，所以我地最后都系举手叫店员过黎落单嗌野食。咁我就嗌左个巨脾饭配白咖哩，朋友就嗌左白咖哩猪扒饭同沙嗲肥牛米粉佢地既野食都几足料，卖相唔错，朋友话味道岩岩好。仲有呢个拉面，佢又可以拣转其他面，朋友话转左米粉，d 米粉吸晒d 沙嗲汁，所以好好味。我呢个巨脾饭，落单前，店员都有讲会等耐少少，所以大概15分钟先有。只脾真系几大只，同埋鸡肉好滑，有肉汁，个白咖哩又好好食。佢个餐有得配荔枝红茶同青苹果红茶既，我地都有嗌黎试下，几好饮，唔会甜，有茶味。因为平时出去饮呢d, 都觉得太甜，所以今次呢个唔甜既，好岩我饮。今次埋单个时，店员比左36蚊coupon 我地，即系下一次黎食有得减36蚊，都唔错。