明記海鮮潮州菜館 (天保大廈)

营业中

休息中

寻日食国金唔好食嘅糖水之后，今日唔愤气，同朋友食完饭之后一定要揾返间糖水舖食返个糖水！今次去咗荃湾嘅名既，路德围出晒名劲多糖水食，夜麻麻都超多人，其实间间我都觉得差唔多。今日就去咗呢间明记试吓啰！我好低能，唔知点解成日以为明记系歌星舖，我以为系方皓玟开架，因为佢叫小明呀嘛，但其实好似冇乜关系！睇怕系我谂多咗。今次我食嘅其实只系好普通嘅杨枝甘露但系非常足料，真系我谂我未食过咁多了嘅杨枝甘露！芒果系食到最底都仲有架，仲有好多嘅碌柚，同埋好重嘅奶味！我个人钟意食买嘅，所以OK。如果你麻麻哋花奶咁你就要同佢讲声啦！唯一唔可以嘅就系，真系都几唔好坐啰，因为间舖好细，不过今晚都唔系好洗等，所以都OK。同埋开头时候带位𠮶位姐姐有少少燥燥地，不过讲多两句其实佢都有礼貌嘅，所以算啦！值得一试嘅。