Oslo (已結業)

之前听同事话呢间唔错，自己一个试过几次walkin都话无位要等至少十几分钟..lunch时间珍贵，终于今次打电话订左位先，就有得试下啦。入到去，原来再入啲仲有几张枱，唔知点解今日我见𠮶几张枱都无人坐，亦无「留座」牌，可能平时得我一个人佢唔开四人枱俾我？午餐都喺其他网友贴出黎𠮶几款，$58午餐原来包一杯餐牌上$40楼下既饮品，咁真系好抵。我嗌左个鸭胸意粉，上枱个样都几靓，啲蕃茄汁浓度岩岩挂到上啲意粉度，意粉煮到岩岩好软硬度，鸭胸都有好多块，少少咸，成个份量我一个女仔食会觉得都几饱。个餐汤系白汤，冻冻地啦，无咩味唔算特别。杯榛子朱古力就好香。餐厅环境唔错，野食呢个价钱呢个质素我都觉得唔错，服务员都几快手同有礼貌，如果唔怕行得远我都会再黎食，想试下个蚬肉意粉😆。