魚塘鴨子 (已結業)

入到The Pond，第一入眼系个bar，之后就系open kitchen好多只鸭挂系度，然后就系鱼塘鸭子幅画，好吸睛。去到楼梯口，带位姐姐好有耐性介绍鱼柜俾我知，见到咁多海鲜，就决定豪一豪食餐好嘅。上到去坐低，环境唔错，望到外面嘅风景都几特别几靓。server好有礼貌亦好有耐性介绍menu，听到流口水。最后点咗条鱼，片皮鸭，帆立贝，仲有我至爱嘅小笼包等等。鲜鱼汤浸条鱼，又香，又浓味，仲食到鱼嘅鲜味！正！片皮鸭虽然一食，但系皮脆肉嫩，正！蒜蓉粉丝蒸帆立贝，食咗先讲！正！最后仲有小笼包，皮薄馅靓，有一粒系红色添，好特别！正！到最后，叫咗2个甜品，炸雪糕，同椰皇，正到非笔墨所形容。不过埋单就无信用卡优惠，算啦，食得开心就最紧要。