御泰坊-泰越菜

营业中

休息中

因为妈妈生日，见到呢间餐厅咁多好评，所以就拣左呢间，谂住同佢食好啲。餐厅环境唔错，十二点三左右去到，餐厅冇乜人，而我系订位时就同店员讲明想安排卡位，坐到好舒服，所以摆设都几靓。墙上面昼左画，虽然冇乜泰国气氛，不过都几靓。香芒软壳蟹米纸卷（$68）一共有8卷，每一卷都包得好实，入面有生菜，米粉同埋软壳蟹。有两只汁可以点。软壳蟹好香，好好食，加埋生菜同米粉清清地，正好中和返软壳蟹，所以食落去觉得恰到好处。泰式辣猪肉生菜包（$62），有分大辣小辣同走辣，我叫左小辣因为屋企人唔系好食得辣，我自己就觉得一啲都唔辣。啲猪肉夹杂住少少肥肉，不过主要要系瘦嘅，我觉得肥瘦适中，加左辣椒同埋香茅等香料，用生菜包埋，正正常常一个生菜包。生菜好新鲜大大片，猪肉碎份量都OK。泰式鲜虾金边粉（$72），成碟好似得两只虾，而且一碟份量唔算多，不过味道唔错，甜甜地，唔算好油腻，而且少少湿湿地，因为我唔钟意食太干嘅炒粉，所以我觉得呢个唔错。但份量多返少少会更好。椰青海鲜焗饭（$82）需时25分钟，因为佢地系即刻开椰青即刻焗，不过食食下其他野呢个就正，所以都唔系真系等左好耐。个椰青系细细个个啲，唔好期望佢好大个，上面有青