金牌小龍 (已結業)

今日去开尖沙咀，就入左去ISQUARE揾嘢食，上到3F，见咁耐冇食过上海嘢就拣左呢间铺头食饭。入面环境唔错，静静地，店铺播放嘅系纯音乐，唔会影响顾客交谈。食物方面，同朋友两个人叫咗红烧牛肉汤、酥炸小黄鱼、葱油捞面、 金牌小笼包、韭菜锅贴、鲜虾云吞汤同埋赤豆蒸糕。红烧牛肉汤汤底好浓牛味，有少少辣。小黄鱼个皮好脆，食落唔会太咸。小笼包皮薄，汤热，肉新鲜。韭菜锅贴脆口，煎得唔错，肉同小笼包一样新鲜。赤豆蒸糕红豆馅唔油，甜度适中。总括嚟讲，系一间环境同食物都唔错嘅铺。