影片
更多
2017-03-18
2071 浏览
荔枝角嘉名工厂大厦嘅The Hub / The Space,讲真入口唔系咁好揾,当日仲有架大货车停晌门口,令我错过咗个入口,回头折返再细心咁睇先揾到,lift系旧式𠮶种,对于唔系成日出入工厂大厦嘅我嚟讲系有少少唔知点嘅感觉.Lift门一打开就见到佢哋嘅招牌,呢刻嘅我先安心落嚟.走入去之后又系另一种感觉,完全唔记得咗啱啱揾路同上嚟𠮶阵嘅疑问.装修有格调又柔和,好钟意呢种透入自然光线嘅餐厅.佢哋仲有露台,走出去望下附近嘅工厂大厦,冇乜压迫感,反而有种惬意嘅感觉.佢哋系以任食鸡翼驰名,不过系要晌特定日子举行,而且必须预约,听讲每次推出都好快爆满.呢次遇唔上,咁就试试佢哋嘅午餐啦.午餐有六款主菜拣,虽然唔多,但猪,牛,羊,鸡,海鲜都有,仲有个是日厨师推介,总算照顾到唔同人士嘅需要.而餐汤同沙律就可以去自助吧拎,仲要系任食嘅.自助吧入面除咗餐汤等等之外,仲有紫生菜,罗马生菜,红菜头,车厘茄同粟米,酱汁就有和风日式酱,凯撒沙律酱同千岛酱,可以拎嚟自制沙律.另外仲有冷切肉,烟三文鱼同其他酱汁例如油醋汁,法式芥末,法国班马利芥末,薄荷啫喱等等可以自由任用.同埋设有爆谷机,拎嚟做餐前或餐后小食都OK.当
荔枝角嘉名工厂大厦嘅The Hub / The Space,讲真入口唔系咁好揾,当日仲有架大货车停晌门口,令我错过咗个入口,回头折返再细心咁睇先揾到,lift系旧式𠮶种,对于唔系成日出入工厂大厦嘅我嚟讲系有少少唔知点嘅感觉.Lift门一打开就见到佢哋嘅招牌,呢刻嘅我先安心落嚟.
走入去之后又系另一种感觉,完全唔记得咗啱啱揾路同上嚟𠮶阵嘅疑问.装修有格调又柔和,好钟意呢种透入自然光线嘅餐厅.
佢哋仲有露台,走出去望下附近嘅工厂大厦,冇乜压迫感,反而有种惬意嘅感觉.
佢哋系以任食鸡翼驰名,不过系要晌特定日子举行,而且必须预约,听讲每次推出都好快爆满.呢次遇唔上,咁就试试佢哋嘅午餐啦.午餐有六款主菜拣,虽然唔多,但猪,牛,羊,鸡,海鲜都有,仲有个是日厨师推介,总算照顾到唔同人士嘅需要.
而餐汤同沙律就可以去自助吧拎,仲要系任食嘅.
自助吧入面除咗餐汤等等之外,仲有紫生菜,罗马生菜,红菜头,车厘茄同粟米,酱汁就有和风日式酱,凯撒沙律酱同千岛酱,可以拎嚟自制沙律.另外仲有冷切肉,烟三文鱼同其他酱汁例如油醋汁,法式芥末,法国班马利芥末,薄荷啫喱等等可以自由任用.同埋设有爆谷机,拎嚟做餐前或餐后小食都OK.
当日嘅是日餐汤系忌廉南瓜汤,质感非常浓稠,入面加咗洋葱粒,味道香甜.我仲拎咗蒜蓉麦多士,切成长条形咁卖相几好,外边脆内层稍稍软身,蒜蓉味香,用佢嚟蘸汤食都唔错.
沙律方面我就拎咗紫生菜,罗马生菜,车厘茄,粟米同冷切肉,蔬菜新鲜爽脆,冷切肉仲有三款唔同口味.
然后就食主菜,慢煮澳洲鲜猪鞍配苹果酱,面层铺咗苹果蓉,旁边就有烤苹果同新薯.
鲜猪鞍非常厚身,食起嚟比较有咬口兼几多肉汁,同埋有阵阵香草味.苹果蓉同烤苹果微酸微甜,可以减去肉类嘅腻感.
食完主菜就叫埋甜品嚟试,苹果批嘅上层洒咗金宝脆脆,下层就系苹果肉同红莓酱,佢哋仲特登焗翻暖暖哋,批底脆身,酸味明显都几消滞.
Green Tea Latte面层奶泡入口软绵绵,之后就系绿茶嘅甘香,甜而不腻.
最后仲去自助吧拎咗少少爆谷做餐后小食,当日系焦糖味嚟.餐厅嘅环境舒适,同地面嘅反差都几大.食物唔错,服务亦周到,令我有个唔错嘅下午.
张贴
