華園甜品專家

营业中

休息中

星期六实行新蒲岗觅食游，由朝食到晚，期间路过呢间糖水舖三次，每次都见到有人喺入面食紧野😮，当日以晚上8点最为多人。好彩人流好快，等左十几分钟就可以入座。等待嘅途中一定会听到唔少人点芝麻炖奶同桑寄生莲子茶，我地都唔执输，一行四人，每人都叫一款唔同嘅糖水，当然包括人气之选啦😏。杨枝甘露 $28本身见佢由雪柜攞出嚟，估佢应该放左好耐🤔，加上望落好似无配料而感到失望。点知”不”落先发现原来甜嘅芒果粒、柚子粒系底；西米虽然未到弹牙，但完全无糊到，屋企人表示系近年食过比较好味嘅杨枝甘露。芝麻炖奶(热) $27炖奶好滑，淡淡奶香，不过略嫌芝麻糊唔够芝麻香。姜汁炖奶(热) $27由上枱到入口都闻到姜味，加上热食，所以姜味更显辣口。当日气温15度左右加上吹北风，体感温度更低，食佢就最暖🙊。桑寄生红枣莲子蛋茶 $28桑寄生煲到出哂味，饮落好浓好舒服，感觉好补~虽然系传统中式糖水舖，但糖水甜度好切合现时香港人口味，唔会太甜。如果路过，可以一试。