龍皇酒家 (世貿中心) (已結業)

龙皇相信大家都听唔少，喺香港都有好几间分店，主要行高档少少嘅茶楼路线，晏昼都好多OL等会过嚟饮茶食个Tea，今晚我就嚟咗呢度食个夜晚，c类食肆黎，唔使食到咁赶都得✨行得高档路线嘅酒楼，当然唔少得酒，一入去门口已经见到大大个酒柜装满晒一枝枝嘅酒，喺入面竟然仲有清酒，而坐低左先发现原来而家仲做紧清酒嘅优惠，当然求其嗌咗一款嚟试吓，$168龙酱炒日本帆立贝，师傅竟然话可能卖晒，要入厨房睇吓，我心谂竟然咁好卖？😳不过好彩仲有货！咁难得就嗌埋佢推介嘅清酒一齐食。整体来讲，有少少似去饮宴嘅时候食到𠮶种😂味道再丰富一点，时蔬吸晒少少大字嘅精华，令到菜都唔会太清淡，而帆立贝出奇地新鲜弹牙，炒到晶莹通透咁样，2边亦煎得好香脆。而$268优惠价加配嘅清酒好易入口！清凉而回甘，同帆立贝几夹。