深燒酒 (已結業)

公司附近啲餐厅都食到有啲闷，又系时候发掘下啲新餐厅。本来谂住行去铜锣湾睇下，途经呢间仲以为佢只做晚饭，点知见到佢个午餐餐牌，价钱合理，咁就试下啦。可能已经两点，客唔系好多，坐位都几宽。午餐有5款拣，由$62-69，听讲每星期转一次，我拣咗九仔鸭，味道好好，炆得唔会过腍，份量都多，同事拣嘅牛仔骨，好夸张系成大块咁上，仲附上较剪😂，味道都可以，但有少少松肉粉嘅味道，其实牛仔骨唔洗落呢啲都都好腍好好食，另外一个叫咗蚬介牛肉，几特别蚬介多数配鲮鱼球😂😂，味道几惹味，偏咸少少，份量都多，跟餐仲有热饮同前菜，食够12个餐（储印花）仲送一个餐添，呢一区嚟计已经好唔错喇👍👍