麗莎餐廳

营业中

休息中

星期六又要返工，一路返工就一路睇定lunch食咩好，本身都系谂住锯扒，最后见到依间唔使等位就走左入黎。坐低再望一望menu，再望一望附近食客，好似lunch就叫个铁板黎食有D夸张，都系食夜晚先食铁板啦。拣拣下拣左应该有5分钟就决定叫个特餐啦，好似几多野食，切合返我花心贪心嘅本性特餐包左五香肉丁面、煎猪扒、吞拿鱼烟肉脆猪，再配埋热奶茶五香肉丁面卖相普通，食落正常，个面渌得恰到好处，唔会太生或者太腍煎猪扒 : 普通煎猪扒冇乜味，唔太韧，唔多有香煎感觉，加上少少汁加返D味都算收货吞拿鱼烟肉脆猪 : 依个有少少失望，可能系我对脆猪嘅预期较高，依度个包底唔够脆，见到个包系稍微用牛油烘一烘但味道唔太出，而且吞拿鱼有少少冻嘅感觉，2样野食落唔太夹，值得赞嘅系吞拿鱼份量都算唔少最后杯热奶茶应只系普通水平，茶味同奶味都不足，唔够滑。总结 : 今时今日55蚊食个特餐，份量唔细，用料正常，味道可以接受，成个package算系不过不失啦，我见其他人都系食饭餐/小菜为主，可能其他野会比较好食。